Ariston - Protherm კატიოლის სამსვლიანი კლაპანის მოტორის შემაერთებელი კაბელი 50 cm, 3-პინიანი კონექტორი – 65104523 / 0020034153 თავსებადი

კატიოლის მთავარ პლატასა და სამსვლიანი კლაპანის მოტორს (diverter valve-ის ამძრავი) შორის კავშირს უზრუნველყოფს 50 cm სიგრძის მზა კაბელი. ერთ ბოლოზე არის კლაპანის მოტორზე მისაერთებელი 3-პინიანი სწორი დედალი კონექტორი, მეორე ბოლოზე — მისაერთებლად ღია (გაშიშვლებული) ბოლოებიანი 3 ძარღვი: წითელი, თეთრი და შავი. მწარმოებლის კატალოგებში ფიგურირებს Ariston 65104523 და Protherm 0020034153 კოდებით.

რადგან კაბელი კატიოლის ყველაზე ცხელ და ყველაზე მეტად ვიბრაციის მქონე ზონაში გადის, დროთა განმავლობაში მისი იზოლაცია მყარდება, ძარღვები წყდება ან კონექტორის კონტაქტები იჟანგება. ასეთ შემთხვევაში, კლაპანის მოტორი თავად გამართულიც რომ იყოს, მართვის სიგნალი მას არ აღწევს.

თავსებადი კატიოლის მოდელები

ეს კაბელი ქვემოთ ჩამოთვლილ მოწყობილობებში გამოყენებული სამსვლიანი კლაპანის მოტორის კაბელის ნაცვლად დგება. მწარმოებელმა ნაწილი დაამზადა როგორც Ariston 65104523, ისე Protherm 0020034153 კოდის მქონე კაბელების შესაცვლელად. ორი კოდი სხვადასხვა მწარმოებელთა ჯგუფს ეკუთვნის; მათ შორის საერთოა კლაპანის მოტორის 3-პინიანი სწორი ბუდის გეომეტრია. ამიტომ შეკვეთამდე შეადარეთ თქვენი მოწყობილობის ბუდე ფოტოზე გამოსახულს.

კაბელია გაუმართავი თუ კლაპანის მოტორი?

როცა სამსვლიანი კლაპანის მართვა წყდება, გაუმართაობა შეიძლება სამ ადგილას იყოს: პლატაში, კაბელში ან მოტორში. ადგილზე დიაგნოსტიკის თანმიმდევრობა ასეთია:

• გაზომეთ ძაბვა კლაპანის მოტორის ბუდეზე. ცხელ წყალზე მოთხოვნისას (ონკანი ღიაა) ბუდეზე, მოწყობილობის ტიპის მიხედვით, უნდა იყოს 230 V ან 24 V. თუ ძაბვა არის, კაბელი გამართულია, გაუმართაობა კლაპანის მოტორშია. თუ ძაბვა არ არის, გაზომვა პლატისკენ გადაიტანეთ.
• გაზომეთ პლატის გამოსავალზე. თუ პლატის გამოსავალზე ძაბვა არის, მაგრამ ბუდემდე არ აღწევს, გაუმართაობა კაბელშია. თუ პლატის გამოსავალზეც არ არის ძაბვა, გაუმართაობა პლატის რელეშია და კაბელის შეცვლა პრობლემას არ გადაჭრის.
• ვიზუალურად შეამოწმეთ კონექტორი. თუ პინებზე არის გაშავება, გამწვანება ან დნობის კვალი, კაბელი იცვლება; დაჟანგული კონტაქტი გაწმენდის შემდეგაც მალე ისევ კარგავს კონტაქტს.
• გაზომეთ კაბელი უწყვეტობის (ომის) რეჟიმში. თითოეული ძარღვის კონექტორის პინსა და ღია ბოლოს შორის წინაღობა თითქმის ნული უნდა იყოს. თუ რომელიმე ძარღვზე უწყვეტობა არ არის, კაბელი შიგნით გაწყვეტილია.
• გაზომეთ კაბელის მოძრაობისას. თუ კატიოლის მუშაობისას კაბელის ხელით შერხევაზე კლაპანი ირთვება და ითიშება, გაწყვეტა იზოლაციის ქვეშაა და თვალით არ ჩანს.
• შეამოწმეთ, ხომ არ არის მოკლე ჩართვა ძარღვებს შორის. თუ ორ ძარღვს შორის უწყვეტობა ფიქსირდება, იზოლაცია გამდნარია; რადგან ამან შეიძლება პლატაც დააზიანოს, კაბელი დაუყოვნებლივ იცვლება.
• თუ კაბელი გამართულია, იზომება მართვის ძაბვა პლატის გამოსავალზე; თუ ძაბვა არის, გაუმართაობა კლაპანის მოტორშია.

გაუმართაობის ნიშნები

• კატიოლი ცხელ წყალზე არ გადადის ან პირიქით, ონკანის დაკეტვის შემდეგაც არ ბრუნდება რადიატორებზე.
• კლაპანი პოზიციას არ იცვლის — მოტორი საერთოდ არ გამოსცემს ხმას.
• კატიოლი ხან მუშაობს, ხან ჩერდება; კლაპანი დროდადრო ირთვება (კაბელის შიგნით არამდგრადი კონტაქტი).
• პლატაზე ან კონექტორზე დამწვრობის/ჭვარტლის კვალი — ძარღვის კონტაქტი დარღვეულია, შესაძლოა რკალი წარმოიქმნა.

ტექნიკური მახასიათებლები

• ნაწილის ტიპი: სამსვლიანი კლაპანის მოტორის შემაერთებელი კაბელი
• სიგრძე: 50 cm
• ძარღვების რაოდენობა: 3 (წითელი · თეთრი · შავი)
• კონექტორი: 3-პინიანი სწორი დედალი ბუდე (კლაპანის მოტორის მხარე)
• მეორე ბოლო: ღია, გაშიშვლებული ბოლოებით
• შესაბამისი კოდები: Ariston 65104523 · Protherm 0020034153

მონტაჟის შენიშვნები

• შეცვლამდე კატიოლი ითიშება ელექტროკვებიდან.
• მოხსნილი კაბელის ძარღვების ფერები და მიერთების თანმიმდევრობა ჩაიწერება; ახალი კაბელი იმავე წესით უერთდება. ფერების თანმიმდევრობის შეცვლისას კლაპანი საპირისპირო მიმართულებით იმუშავებს ან საერთოდ არ იმუშავებს.
• ღია ბოლოების პლატაზე ან კლემაზე მიერთებისას მავთულის ბოლოები სწორად იგრიხება, საჭიროების შემთხვევაში გამოიყენება ნაკონეჩნიკი; გაშლილი წვრილი მავთულები შეიძლება მეზობელ კონტაქტს შეეხოს და მოკლე ჩართვა გამოიწვიოს.
• კაბელი ცხელი ზედაპირებისგან, როგორიცაა გორელკა და ტეპლოობმენნიკი, მოშორებით გაიყვანება და ორიგინალ სამაგრებში ჩაისმება.
• კონექტორი კლაპანის მოტორზე დაწკაპუნების ხმამდე უნდა ჩაისვას; ბოლომდე ჩაუსმელი ბუდე დროთა განმავლობაში რკალს წარმოქმნის.