Wilo KSL 15/6-3 C კატიოლის ცირკულაციის ნასოსი 82 W (კორპუსით) – Airfel, Daikin, Kentatsu თავსებადი

Wilo KSL 15/6-3 C არის კატიოლის ცირკულაციის ნასოსი, რომელიც კატიოლებში გათბობის წყალს აცირკულირებს; სამუშაო პრაქტიკაში მას ცირკულაციის ტუმბოსაც ან უბრალოდ კატიოლის ნასოსს უწოდებენ. ნასოსი მოდის პლასტმასის ჰიდრავლიკურ კორპუსთან ერთად (კორპუსით), რომლითაც კატიოლს უერთდება. მის ეტიკეტზე მითითებულია, რომ ის Wilo Intec-ის (საფრანგეთი) წარმოებაა, და Wilo-ს ნომერი 4533826.

ეს კორპუსიანი ტიპის ნასოსი არის სათადარიგო ნასოსი, რომელიც გამოიყენება Airfel, Daikin და Kentatsu კატიოლებში. სიჩქარის სამ საფეხურზე მოიხმარს 43 / 59 / 82 W სიმძლავრეს; ტიპის კოდში "15/6" აღნიშნავს 15-იან მიერთებას და 6 მეტრ მაქსიმალურ დაწნევის სიმაღლეს.

რისთვის გამოიყენება?

გათბობის რეჟიმში კატიოლის მთავარ ტეპლოობმენნიკში გაცხელებულ წყალს აწვდის სისტემასა და რადიატორებს, ხოლო გაციებულ წყალს უკან აბრუნებს. ცხელი წყლის რეჟიმში კი წყალს ფირფიტოვანი ტეპლოობმენნიკის გავლით აცირკულირებს. თუ ნასოსი გაჩერდა, კატიოლი წყალს აცხელებს, მაგრამ ვერ აცირკულირებს; ამიტომ პლატა მალევე გადადის გადახურებისგან დაცვის რეჟიმში.

გაუმართაობის ნიშნები

• კატიოლი მუშაობს, მაგრამ რადიატორები არ თბება ან ძალიან გვიან თბება.
• კატიოლი გათბობის რეჟიმში ხშირად ითიშება, გადახურების შეცდომას იძლევა.
• ნასოსი გუგუნით, კაკუნით მუშაობს ან საერთოდ არ ბრუნავს.

დიდი ხნის განმავლობაში უმოქმედო ნასოსებში ლილვი შეიძლება ნალექის გამო გაიჭედოს. შესამოწმებლად იხსნება წინა მხარეს არსებული თითბრის ჰაერის გამოსაშვები ხრახნი და ლილვი სახრახნისით რამდენიმე ბრუნით ტრიალდება; თუ ლილვი თავისუფლად არ ბრუნავს ან ნასოსი ბრუნავს, მაგრამ წყალი არ ცირკულირებს, ნასოსი უნდა შეიცვალოს.

შეცვლისას

• კატიოლს ეთიშება ელექტროკვება, კატიოლის კონტურიდან იცლება წყალი და წნევა ნულამდე ჩამოდის.
• მოხსნილი ნასოსის ეტიკეტზე მითითებული ტიპი (KSL 15/6-3) და კორპუსის მიერთებები ედარება ამ პროდუქტს.
• მიერთების პროკლადკები იცვლება; მონტაჟის შემდეგ სისტემაში ესხმება წყალი და სისტემიდან და ნასოსიდან გამოიშვება ჰაერი.

ტექნიკური მახასიათებლები

• მარკა / ტიპი: Wilo KSL 15/6-3 C (კორპუსით)
• Wilo-ს ნომერი: 4533826
• სიმძლავრე / დენი: I საფეხური 43 W – 0,19 A · II საფეხური 59 W – 0,26 A · III საფეხური 82 W – 0,35 A
• კვება: ~230 V, 50 Hz
• კონდენსატორი: 2,6 µF
• დაცვის კლასი: IP44 · იზოლაციის კლასი: F
• წნევის კლასი: PN6 · ტემპერატურის კლასი: TF95
• მაქსიმალური დაწნევის სიმაღლე: 6 m
• წარმოების ადგილი: საფრანგეთი (Wilo Intec)