LG MBT029WMA სპირალური კომპრესორი – 4 HP, R404A, 8.377 W / 28.582 BTU/h, 380-420 V სამფაზა

LG MBT029WMA არის სავაჭრო გაგრილებისთვის წარმოებული 4 HP სპირალური (scroll) ჰერმეტული კომპრესორი. მუშაობს R404A-ზე, კვება — 380-420 V სამფაზა. კონდენსაციის 40 °C / აორთქლების −10 °C პირობებში იძლევა 8.377 W (28.582 BTU/h) გაგრილების სიმძლავრეს.

სპირალური ტექნოლოგია: ნაკლები დეტალი, უფრო ჩუმი მუშაობა, მაღალი ეფექტიანობა

სპირალურ კომპრესორში არ არის პორშნევოი ტიპისთვის დამახასიათებელი სარქვლები, რგოლები და ამწე-ბარბაცა მექანიზმი; შეკუმშვა ხდება ორ სპირალს შორის უწყვეტად და ერთი მიმართულებით. პრაქტიკაში ეს სამ რამეს ნიშნავს: ნაკლები მოძრავი დეტალი (მცირდება დაზიანების რისკი), ვიბრაციისა და ხმაურის შემცირება და სითხის დარტყმის მიმართ უფრო მდგრადი კონსტრუქცია.

ამასთან, სპირალურ კომპრესორში შეკუმშვის კამერა ყოველ ბრუნზე სრულად იცლება — მავნე მოცულობა არ არის. ეს კი, განსაკუთრებით დაბალი აორთქლების ტემპერატურებზე, პორშნევოი ანალოგთან შედარებით უფრო მაღალ მოცულობით ეფექტიანობას ნიშნავს.

ნომინალური გაგრილების სიმძლავრე (W)

შეწოვილი აირის ტემპერატურა 18,3 °C · გადაცივება 0 °C · გარემო 35 °C · 50 Hz · მნიშვნელობების დაშვება ±5%.

როგორ წავიკითხოთ ცხრილი? მარცხნივ მოცემული სტრიქონი თქვენი კონდენსატორის კონდენსაციის ტემპერატურაა, ზედა სვეტი — თქვენი ისპარიტელის აორთქლების ტემპერატურა. ცხელ კლიმატში ან დაბინძურებულ კონდენსატორზე კონდენსაციის ტემპერატურა იზრდება: იგივე კომპრესორი, რომელიც 40 °C-ის ნაცვლად 55 °C-ზე მუშაობს, −10 °C-ზე იძლევა არა 8.377 W-ს, არამედ 5.983 W-ს. შერჩევა გააკეთეთ თქვენი რეალური სამუშაო პირობების მიხედვით.

ტექნიკური მახასიათებლები (LG-ის ოფიციალური წარმადობის დოკუმენტი)

• მოდელი: LG MBT029WMA · სპირალური (scroll) ჰერმეტული კომპრესორი
• სიმძლავრე: 4 HP · ფრეონი: R404A
• კვება: 380-420 V / 50 Hz · 460 V / 60 Hz · სამფაზა
• სამუშაო დენი: 7,3 A
• გაშვების დენი (LRA): 60 A — დამცველისა და პუსკატელის შერჩევისას ამ მნიშვნელობას დაეყრდენით
• მაქს. სამუშაო დენი: 10 A — თერმორელე ამ მნიშვნელობაზე რეგულირდება
• შეწოვის მილი: 7/8" · დაწნევის მილი: 1/2"
• სიმძლავრე (ASHRAE 7,2 °C / 54,4 °C): 10.120 W
• გამოყენება: სავაჭრო გაგრილება · სამაცივრე კამერა · შოკური გაყინვის კამერა · მარკეტის ვიტრინების აგრეგატები

• 🔧 ფაზების თანმიმდევრობა კრიტიკულია. სპირალური კომპრესორი ერთი მიმართულებით ბრუნავს. სამფაზა მიერთებისას თუ ფაზების თანმიმდევრობა არეულია, კომპრესორი უკუღმა ბრუნავს: წნევა არ იზრდება, ხმა არანორმალურად ძლიერდება და მოკლე დროში ზიანდება. პირველი გაშვებისას დარწმუნდით, რომ დაწნევის წნევა იზრდება; თუ არ იზრდება, ორი ფაზა ადგილებით შეცვალეთ.
• 🔧 ელექტროგაყვანილობა: გაშვების დენი 60 A-მდე იზრდება. პუსკატელი, დამცველი და კაბელის კვეთი ამ მნიშვნელობის მიხედვით შეარჩიეთ; თერმორელე დააყენეთ 10 A მაქსიმალურ სამუშაო დენზე. გამოიყენეთ ფაზის კონტროლის რელე — ფაზის დაკარგვა, ფაზების თანმიმდევრობის შეცდომა და დაბალი ძაბვა სპირალური კომპრესორის მწყობრიდან გამოსვლის სამი ყველაზე ხშირი მიზეზია.
• 🔧 კარტერის ტენი: გაჩერებისას ხელს უშლის ფრეონის მიგრაციას ზეთში. ხანგრძლივი გაჩერების შემდეგ, კომპრესორის გაშვებამდე რეკომენდებულია, ტენი მინიმუმ 8-12 საათით იყოს ჩართული.
• 🔧 შეწოვის ხაზზე ფილტრი და თხევად ხაზზე ფილტრ-ოსუშიტელი გამოიყენეთ. სპირალებს მცირე დაშვებები აქვს; სისტემაში მოხვედრილი მყარი ნაწილაკები პირდაპირ იწვევს ცვეთას.
• ⚠️ ზეთი და ტენიანობა: R404A-სთან გამოიყენება POE ზეთი, POE კი ტენს იწოვს; ხაზი ღიად არ დატოვოთ, ვაკუუმი ბოლომდე გაიყვანეთ.
• გამოყენების შეზღუდვა: ეს მოდელი განკუთვნილია R404A-სთვის. სხვა ფრეონის გამოყენება მწარმოებლის თანხმობას მოითხოვს.